வருத்தப்படாத வாலிபர் சங்கம் திரைவிமர்சனம்

www.yarlminnal.com

நடிகர்கள் : சிவகார்த்திகேயன், ஸ்ரீதிவ்யா, சத்யராஜ், பரோட்டா சூரி, இசை : இமான் வசனம் : எம். ராஜேஷ் இயக்கம் : பொன்ராஜ் எதிர்நீச்சல் படத்திற்கு பின் அதை விட பெரிய ஹிட் கொடுக்க வேண்டிய கட்டாயத்தில் இருக்கும் சிவகார்த்திகேயன், வருத்தப்படாத வாலிபர் சங்கத்தை மிகவும் எதிர்பார்த்து காத்திருக்கிறார். அவருடைய ராசிக்கேற்ப சில பிரச்சனைகளால் சுந்தர் சியின் மதகஜ ராஜா படம் ரிலீஸ் ஆகாததால், போட்டியில்லாமல் வெளியானது ஒரு பிளஸ் பாயிண்ட். அதனால் தயாரிப்பாளர் வருத்தப்படாத அளவுக்கு வசூல் கிடைத்துவிடும் எனபது மட்டும் உண்மை. படத்தின் கதை களம், திண்டுக்கல் மாவட்டம் நிலக்கோட்டை பக்கத்தில் உள்ள சிலுக்குவார்பட்டியில் ஆரம்பிக்கிறது. வேலையில்லாமல் வெட்டியாக சுத்திக்கொண்டிருக்கும், நாயகன், சிவகார்த்திகேய அந்த ஊரில் தலைவராக இருக்கும் சத்யராஜின் பெண்ணை காதலிக்கிறார். இதை அறிந்த சத்யராஜ் தனது பெண்ணுக்கு, வேறு பையனுடன் நிச்சயம் செய்கிறார். இதனால் திருமணத்திற்கு முதல் நாள் நாயகனும், நாயகியும் ஊரை விட்டு ஓடிபோகிறார்கள். இதன் பிறகு நடக்கும் காமெடி தான் படத்தின் மீதி கதை இதே கதை அம்சத்துடன் தமிழில் பல படங்கள் வந்திருந்தாலும், இந்த படம் அதற்கெல்லாம் விதி விலக்குபடத்தில் ஹீரோயிசம் காட்டாமல் இயல்பான நகைச்சுவை நாயகனாக வந்து செல்கிறார் சிவகார்த்திகேயன். இந்த படம் சிவகார்த்திகேயனுக்குஎதிர்நீச்சல் அளவுக்கு பெயரை வாங்கித்தரா விட்டாலும், அந்த பெயரை காப்பாற்றி இருக்கிறது. ஊர் தலைவராக வரும் சத்யராஜின் நடிப்பு படத்திற்கு பலம். அதுவும் மீசையை முறுக்கி விட்டு திரிவது செம…. க்ளைமாக்ஸில் அவரது நடிப்பு சான்சே இல்ல…சிவகார்த்திகேயனின் தோழனாக வரும் சூரி, பல காட்சிகளில், ரசிகர்களின் சிரிப்பு சத்தத்தால், தியேட்டரையே அதிர வைத்திருக்கிறார். படத்தின் ஹீரோயினுக்கு காதல் வருவது காமெடியாக இருக்கிறது. மைனர் ஹீரோயினின் கல்யாணத்தை போலீஸில் சொல்லி சிவகார்த்திகேயன் நிறுத்தி விடுகிறாராம். அதனால் அவளுக்கு சிவகார்த்திகேயன்மேல் காதல் வந்து விடுகிறதாம். சிவகார்த்திகேயனைஹீரோயின் அம்மாவுக்கு முதலில் பிடிக்காதிருப்பதும், அவர்கள் வீட்டு மாட்டை காப்பாற்றி கொடுத்ததும், மாப்பிளையாக ஏற்றுக்கொள்வதும் செம காமெடி……இமானின் இசையில், பாடல்கள் செம ஹிட்காட்சிகளும் செம ஹிட் மொத்தத்தில் “வருத்தப்படாத வாலிபர் சங்கம்” லாஜிக் இல்லாத மேஜிக் please visit